Artistes
Shooglenifty (Escocia)
Música Tradicional
Amesta les febriles enerxíes de l’anovada música tradicional escocesa con una abierta actitú nacida na trastienda de tabernes y clubs, y qu’a raíz d’esto, crea un soníu nuevu impactante de la danza de los nuevos tiempos.
Una formación na que mandolina, “banjo”, guitarra, baxu y percusión dan vida a una escitante y prestosa "hipnofolkadelia", amestamientu de material tradicional y propiu. El grupu esperimentó una rellumante carrera d’ésitos dende la so creación y tres un aniciu que xurde de "jam sessions" en tabernes demientres los primeros meses del añu 1993.
La Bandina (Asturias)
Folk
Entamaron nel añu 1996 col envís de volver facer les tradicionales bandines d’entamos del Sieglu XX n’Asturies, que tocaben pieces tradicionales dedicaes esencialmente al baille.
El soníu de La Bandina ye orixinal y distintu de los estilos más comunes nel folk asturianu, con instrumentos poco frecuentes, como la zanfona, amás d’una orixinal seición de percusión con bombu, tambor, congues y darbukes.
Anguaño, son unes de les bandes más orixinales d’Asturies.
Felpeyu (Asturias)
Folk
El grupu Folk asturianu Felpeyu trabaya col fondu musical tradicional asturianu creando un discursu musical personal, potente y actual, basáu na reellaboración de cantares populares y pieces instrumentales recuperaes de fontes etnográfiques o compuestes polos sos miembros. El resultáu ye un repertorio sólidu ampliamente aceptáu por crítica y públicu, defendíu n’intensos conciertos en directu por tola xeografía asturiana y española y en países como Canadá, Líbano, Francia, Australia, Italia, Suecia, Dinamarca… Felpeyu revitaliza sones populares al traviés de les sos interpretaciones mediante l’usu d’arreglos de cuerda contundentes que respalden lletres les más de les veces creaes pol propio grupu, atopando asina un términu mediu ente creatividá y tradición, y siempre col envís d'esfrutar faciendo bona música sobre l'escenariu.
La Collá Propinde (Asturias)
www.myspace.com/lacollapropinde1
Folk-Fusión
La banda, formada por músicos esperimentaos y vinientes de distintos ámbitos. Entamó la so andadura a entamos del añu 2000, col oxetivu de desarrollar un folk con influencies innovadores pa consiguir un soníu «frescu y movíu», amosando, por otru llau, compromisu coles realidaes sociales.
Los temes de La Col.lá Propinde son nun porcentaxe altu de composición propia, ensin dexar de llau les versiones innovadores de temes tradicionales.
Acaba de grabar el so tercer trabayu y el so direutu, ye pa gociar.
Kila (Irlanda)
Música Celta
Septetu irlandés de música celta formáu en 1987. KÍLA ye la referencia indispensable de la música irlandesa de güei. Con ocho discos nel mercáu, el grupu apostó dafechu por una música celta anovada. KÍLA ruempi colos esquemes tradicionales ya inamovibles nel so país.
La so música, enllena de guapura, viaxa a vegaes por testures melancóliques, otres déxase llevar pola velocidá del son faciendo pieces afayadices pa ser baillaes. Música tradicional irlandesa y percusiones africanes. Pieces cantaes en gaélicu conviven con instrumentales de lo más variao, instrumentos de vientu, gaites y flautes irlandeses, violines, guitarres, djembes, xuntos pa globalizar la música del so país.
Dixebra (Asturias)
www.myspace.com/dixebraoficial
CelticRock
Una de les bandes más comprometíes d’Asturies y amás con una historia enllena de kilómetros de carretera y lletres pegaes a la realidá social del país.
Tres 22 años d’esistencia, el so direutu ye simplemente arrollador y nun dexa indiferente a naide, quieras o non, acabarás moviendo la patuca.
The Real McKenzies (Escocia / Canadá)
www.myspace.com/therealmackenziess
Punk Celta
The Real McKenzies ye una banda punk escocesa con influxu celta fundada en Vancouver, Canadá, en 1992. Amás d’escribir y facer música orixinal, Real McKenzies resucita cantares tradicionales escoceses, dándo-yos un nuevu soníu punk-influenciáu. Compartieron escenarios con Rancid, Dragstrip Riot, NOFX, Flogging Molly, Rough Chukar, The Misfits, Metallica, The Roockers, Voodoo Glow Skull ya inclusive Shane Mac Gowan. Los sos cantares fueron utilizaos n’anuncios de cerveza y videoxuegos como Tony Hawk Underground.
Tuenda (Asturias)
Awen Magic Land (Bretaña - Valladolid)
Electrónica / Trip Hop / Música tradicional.
Un espectáculu con raigaños celtes y folk acompañáu de composición escénica compuesta por traxes que llamen l’atención ya instrumentos qu’invoquen la maxa: un paragües, una maleta, xuegos d’escena simples ya intimistes. Simples mosquiteres cuelguen del techu, captando y filtrando la lluz y creando delicaes muries qu’apenes se perciben.
La tierra máxica de la inspiración, ye un viaxe polos sentíos y la imaxinación. Supón un paséu per viesques borrinoses y ciudaes imposibles nel que’l flautista del espectáculu conviértese nun encantador de culiebres y María Desbordes nuna fada misteriosa y danzante.
Vezos Astures (Asturies)
Xixón con Jota: (Asturies)
Multiespectáculu tradicional.
A lo cabero del sieglu XVII la “jota” ye’l baille por escelencia n’España, pero nun va ser hasta entamos del XVIII cuando llegue a Asturies, p’acabar fundiéndose col fandangu y otros bailles ternarios de panderu anteriores. Va tener tal repercusión, qu’acabará xuniéndose a la danza prima, xurdiendo del so amestamientu un xéneru nuevu, la xirandiya (giraldilla), que tendrá’l so cumal a lo llargo del XIX y entamos del XX. Darréu, acabará rellacionándose cola asturianada, el valse y otros aires modernos nos primeros años del sieglu XX.
Primera parte: EL TIEMPU DEL FANDANGU.
A la una me toca la suerte.
Intro pa cantador.
Fandangu d’Uviéu.
El quirosanu.
Segunda parte: DE LOS BAIL.LES DE PANDERU A LA XOTA.
Esti pandeiru que toco.
Cariáu de Silvamayore.
El que me cortexa a mi.
Xota Tielve.
Mártires de Cuna.
Xota Curdión.
Tercer parte VARIANTES DE LA XOTA:
Anda y señálame un sitiu.
Xota de Carcarosa.
Xiraldilla de San Andrés.
Valse de Fuxó.
Nun tengo más.
Xota d’Oubal.lu.
Cuarta parte LA XOTA D’ANGUAÑU:
La Magdalena.
Xota punteada.
Marcho pa Cuba.
Suite de vaqueiradas.
